Bø jazzklubb

Sigrid Moldestad vann Spellemannsprisen 2007 for albumet ”Taus”. No er ho aktuell med albumet ”Sandkorn”, eit album der hennar eigne komposisjonar er enda mer framtredande enn tidligare. Sigrid Moldestad er først og fremst folkemusikar, med råskap i feleslåttar og melankoli i songen. Med sine særeigne formidlingsevner er ho nok ein gong klar til å framkalle både latter og tårer. Ho har med seg sjølvskrive materiale i tillegg til å ha tonesett mellom anna Robert Burns og Jacob Sande. Med fela og hardingfela spelar ho på råskapen i folkemusikken, og byr på musikk av både ny og gamal årgang. Moldestad er trufast mot tradisjonane, men utfordrar òg musikken og gjer han til sin eigen. Her er det innslag av både blues, vise, folk og country. Velkomen til ein konsert med sterke historier, sterke kjensler og gripande musikk!